سياسة الخصوصية

آخر تحديث: 19 أكتوبر 2026

سعوديون في استراليا (aus-saudi.app) ما يطلب اسمك ولا يبيع بياناتك لأحد. هنا وش ينحفظ لما تستخدم الموقع، وليش.

وش ينحفظ

رقم زائر عشوائي في ملف تعريف (cookie) على جهازك، عشان يعرف الموقع إنك نفس الزائر بين الصفحات والأيام. ما فيه اسمك.
بصمة الجهاز والشبكة بعد ما تتحول لرمز مشفّر ما يرجع للأصل. عنوان الإنترنت (IP) نفسه ما ينحفظ.
الصفحات اللي فتحتها، كم وقت قعدت فيها، نوع الجهاز والمتصفح، واسم شركة الإنترنت.
أسئلتك للذكاء الاصطناعي وأجوبته، وتقييمك للأجوبة والأخبار، وأي ملاحظة كتبتها.
إيميلك وسبب استخدامك، لو اخترت تعطيه عشان تاخذ أسئلة زيادة.
البلاغات والاقتراحات، ومعها الإيميل أو الجوال لو كتبته بنفسك.
بحوثك في دليل السكن (الجامعة والمرحلة والمرافق)، بدون أي معلومة تعرّف عليك.
لما تضغط «احسب» في حاسبة المعدل: مرحلتك ونقاط ودرجة كل مادة ومعدلك والنتيجة، بدون أسماء المواد.

عشان عداد الأسئلة اليومي والمكافآت يشتغل صح.
عشان تتحسن الأجوبة: الأسئلة اللي ما لقت جواب، والأجوبة اللي ما عجبت الناس، تنراجع وتنصلح.
عشان يبان أي الصفحات والأخبار مفيدة.

الدعم يتم عن طريق Stripe. بيانات بطاقتك تروح لـ Stripe مباشرة وما تمر على الموقع ولا تنحفظ فيه.
ينحفظ مبلغ الدعم ورقم الزائر بس، عشان تنضاف لك الأسئلة ويتحدث شريط الهدف.

في قاعدة بيانات Supabase في سيدني، أستراليا.
الموقع يشتغل على Cloudflare، ويستخدم إحصائيات Cloudflare اللي ما تحط ملفات تعريف.
الأسئلة تنرسل لنماذج ذكاء اصطناعي عن طريق OpenRouter عشان تتجاوب. لا تكتب في سؤالك معلومات شخصية حساسة.

ما ينطلب اسمك، وتجارب المبتعثين اللي يتعلم منها الذكاء الاصطناعي انشالت منها كل الأسماء والأرقام.
بياناتك ما تنباع لأحد، وما فيه إعلانات تتبعك.

تقدر تمسح ملفات التعريف من متصفحك في أي وقت.
تبغى ينحذف إيميلك أو أي شي انحفظ عنك؟ اكتب من «بلّغ أو اقترح» تحت أي صفحة، ويتحذف.