كيف أكتب سيرة ذاتية (CV) للشغل في أستراليا؟
آخر مراجعة
خلها بسيطة بعمود واحد عشان أنظمة الفرز الآلي (ATS)، بدون صورة ولا تاريخ ميلاد، وعدلها لكل وظيفة بكلمات الإعلان.
التفاصيل
- كثير شركات ووكالات تفرز السير بنظام آلي (ATS) قبل ما يشوفها أحد، فخلها بسيطة: عمود واحد وخط عادي. تجربة طلاب
- اسمك فوق، وتحته الضاحية والجوال والإيميل، وبعدها عناوين معروفة: Work Experience و Education و Skills و Certifications و Volunteering. تجربة طلاب
- لا تحط صورة ولا تاريخ ميلاد ولا جنسية ولا حالة اجتماعية ولا ديانة، ولا جداول أو أيقونات أو أشرطة تقييم مهارات. تجربة طلاب
- كل نقطة فيها فعل وش سويت والنتيجة، بأرقام حقيقية، وبالإملاء الأسترالي (organised مو organized). تجربة طلاب
- عدل السيرة لكل وظيفة بكلمات من الإعلان نفسه، بشرط تكون صحيحة عنك. تجربة طلاب
- اختبار سريع: انسخ النص من ملف الـ PDF والصقه في Notepad، لو طلع مرتب وكامل فالنظام يقراه، ولو طلع مخربط ابنه من جديد. لا ترسل صورة أو ملف مصور بالجوال. تجربة طلاب
- أدوات مجانية: Word أو Google Docs بقالب بسيط وتصدر PDF، و FlowCV. أما Canva فقوالبه أعمدة ورسومات، خله للنسخة المطبوعة بس. تجربة طلاب
- اكتب أيامك وأوقاتك (Availability) في السيرة، لأنه أول شي يسألك عنه أي مدير. تجربة طلاب
- تقدر تستعين بأداة ذكاء اصطناعي تساعدك تصيغ السيرة، بشرط تعطيها معلومات حقيقية بس وتراجع كل كلمة. تجربة طلاب
- لو جامعتك عندها قالب CV أو مراجعة سير في خدمة التوظيف، استخدمها. تجربة طلاب
شفت معلومة غلط أو قديمة؟